àâèëãà

Авлигатай тэмцэх газрын удирдлагуудтай холбоотой үнэн худал нь мэдэгдэхгүй яриа сүүлийн өдрүүдэд хэвлэлийн нүүрийг “чимэх” болсон. Тус газрын дарга нар төсвийн мөнгөөр бие биедээ орон сууц авч өгсөн гэх яриатай зэрэгцээд тэднийг халах солих тухай дуулдах болов. Юуны түрүүнд тус газрын дарга Ч.Сангарагчааг ТЕГ-ын дарга асан Б.Билэгтээр солино гэсэн яриа гарчээ.

Тэгвэл нэг хэсэг нь ийм томилгоо болохгүй гэх. Учир нь хуульд зааснаар Б.Билэгт 55 нас хүрээгүй юм байна. Хуульд АТГ-ын дарга нь 55-аас дээш настай байхаар заажээ. Нөгөө нэг хувилбар нь түүнийг Ч.Сангарагчаагийн орлогчоор тавих гэнэ. Тэгвэл энэ албан тушаалд бас нэг хүний нэр яваа нь Үндэсний аюулгүй байдлын зөвлөлийн ажлын албаны дарга Б.Хурц. ТЕГ-ын Сөрөг тагнуулын газрын даргаар ажиллаж байсан түүний тухай хүмүүс тэр бүр мэдэхгүй байх.

Бидэнд олдсон мэдээллээр тэрбээр ОХУ-ын Улсыг аюулаас хамгаалах хорооны дээд сургууль төгссөн, мэргэжлийн тагнуулч, хурандаа цолтой юм байна. ТЕГ-ын Сөрөг тагнуулын газрын даргаар богино хугацаанд ажилласан. Ажиллаж байхдаа эрүүгийн хоёр ч гэмт хэрэгт холбогдон шалгагдаж байсан аж.

Зайсан дахь байрныхаа харуулд агсам тавьж, гар буугаараа толгойг нь хагалсан, ажлын хариуцлага алдсан гэх хэрэг нь Их Монгол Улс байгуулагдсаны 800 жилийн ойгоор гарсан Өршөөлийн хуульд багтаж ял зэмгүй мултарчээ.